სოციალურ ქსელში მოქალაქეები ინიციატივით გამოდიან, გერმანიის საგარეო საქმეთა მინისტრი ანალენა ბერბოკი საქართველოდან ევროკავშირის დროშებით გაააცილონ.
ისინი აეროპორტთან 19:30 საათზე შეიკრიბებიან, მინისტრი ქვეყანას 20:30 საათზე დატოვებს.
"სამოქალაქო საზოგადოებას შეგვიძლია, კიდევ ერთხელ გავავლოთ წითელი ხაზი ჩვენსა და ქართულ ოცნებას შორის და ევროკავშირის დროშებით გავაცილოთ კეთილგანწყობილი მინისტრი", - ნათქვამია განცხადებაში.
საგარეო საქმეთა მინისტრი საქართველოში გუშინ, 23 მარტს ჩამოვიდა. ხელისუფლებამ მას აეროპორტთან მხოლოდ საქართველოსა და გერმანიის დროშა დაახვედრა, ევროკავშირის - არა. ნეტგაზეთს საგარეო საქმეთა სამინისტროში უთხრეს, რომ "ორმხრივი ვიზიტის დროს იკიდება მხოლოდ ორი დროშა - სტუმრისა და მასპინძლის", თუმცა მაგალითად 2018 წელს, როცა საქართველოს გერმანიის მაშინდელი კანცლერი ანგელა მერკელი ეწვია, ევროკავშირის დროშა აღმართული იყო.
დახურვა